السلـآآم عليــــ(ـكـ)ـــــم ورحمة الله وبركــآآآته
كيفكم
,,مسآآآؤؤ,,
ولا
,,صبآآآحؤؤ,,
//
الــــــ(ــخـ)ــــــيــــــر,,,
نقلت لكم قائد رااائعه جدا
اترككم مع قصائد الشاعر [[علي السبعان]]
تفضلووو
مدن خليجية
كويت قلبي واحترق ناظر العين = واحرمت طرف المبتلى من منامه
كانت رياض العشق روض وبساتين = واليوم قفرا يبّستها الملامه
ودّعت مسقط راسي اللي لي سنين = في دوحة أغصانه .. وقلت السلامه!
حب قابل للإنفجار
يا حبيب القلب لا تصبح عدوّه = حبّنا نورٍ ونار الحرب نار
مصدرٍ مسؤول في قلبي ينوّه = عن غلاك اللي بوسط القلب ثار
وأكّد إن الشوق بضلوعي عبوّه = في غيابك قابله للإنفجار
وإن للّوعات في الميدان قوّه = ماخذه في الصدر وضع الإنتشار
صار برّ القلب وبحوره وجوّه = تحت نار الوجد في حالة حصار
في الحشا مبعوثه الرسمي تأَوّه = وأعلن المتحدّث بإسمه قرار
بعد ما اجتاحه غلاك وشبّ ضوّه = وأصبح الخفّاق عرضه للدمار
إقتحمت القلب بعيونك وتوّه = جيشها داخل عروق الدمّ سار
واجتياحك زلزل البُنْيَه وشوّه = صورة الواقع بحسرة الانكسار
خطّتك مكشوفه وسِلْمك مموّه = وأنا بطلب منْك ردّ الاعتبار
يا بسوّي مؤتمر وإلاّ أنت سوّه = نعلنه بكره على أخبار (المدار)
وإلاّ بطّلنا المحبّه والمخوّه = وابتدينا الحب بهجوم انتحار
مخالفة حب
في طريق القلب ممنوع الدخول = بس حبّك وحده اللي له مسار
له عروقي (هاي واي) ولك قبول = مرّ لا تخشى كميرات الرادار
وأوقف بْداخل عيوني عرض/ طول = ما عليك رْسوم ليل ولا نهار
لك رصيف العمر فدوه لو يطول = وإلاّ باقي الناس يُمْنَع الانتظار
لك الأشاير خضْر والطلعه نزول = وأعكس (الراوند) وألعب في الدُوَار
(ليسنك) رسمي وطالع بالأصول = وأنت (ناجح) حتى من دون اختبار!
تن تن !
مهر10 مرّت و10ـفض عرْفها = 10ـتفض مثل الرياح و10ـثني
10ـثني والريح 10ـهض خلفها = و10ـهّد في خضوع و10ـحني
طفلـ10 مغرور10 في لطفها = تهـ10ـني والعين فيها تهـ10ـني
10ـتشي مبهور10 في وصفها = ما اعـ10ـت في العاشق اللي معـ10ـي
لو 10ـاديها 10ـرفز طَرْفها = 10ـتفض نشوه : نعم ناديـ10ـي ؟!
Hi
قلت السلام وقالت بصوتها (هاي) = يا مرحباً يا ساكن عيوني الـ 2
قلت اركدي قالت بضحكة دلع (واي) = قلت اشبلاك وقالت اشصار لك U
حنّا تطوّرنا وحنّا عرب (هاي) = واللي تمسّك بالعوايد عرب (لوو)
حنّا تمشّينا (ميامي) و(هاواي) = ودرْنا بلد (لندن) من السوق للـ(زوو)
أصبحت (مودمازيل) وأخوي (قود قاي) = ذا حالنا وإن ما أعجبك يا بْدوي GO
قلت الوداع وقالت بمسخره (باي) = وردّت تنادي قلت من ضيقتي NO
سي دي !!
لا شك DC وأنا أودّك = الأحباب سادة حبايبها
جـ9 الورد في خدّك = يا T1 من سبايبها
عـ8Nـني وخاتمة صدّك = طالت وأنا GR طلايبها
نفـC وقلـB على يدّك = مثل الـ7 مع هبايبها
ما بحسب خْطاك أنا ضدّك = وخْطـI ما أبغى تحاسبها
زلّتْك لو جاوزت حدّك = مغـ4ه لْعين صاحبها
ما أبادلك رD بْردّك = بالعـX .. نفسك أطيّبها
رجـY بك في الهوى قدّك = Z رجوتي لا تخيّبها
خلّك على عادة مْوِدّك = دوم الخـ5 يجنّبها
محبة دوت كوم !
في دسك توب القلب سوّيت فايل = باسمك وخزّنته بوسط الديكومنت
وبيجك على الفيفوريت ما له بدايل = في الميموري والهستوري قد تدوّنت
فيروس حبّك بي مسوّي عمايل = في هارد دسك القلب طحت وتمكّنت
وإيميل قلبي صار لك حيل مايل = يكشف لك الباس وورد من وين ما كنت
مبرمجه ديليت كل الرسايل = وبلوك سندر للمخاليق إلا أنت
سويت شت داون وريستارت أحايل = أثرك على السيرفر بحاله تسلطنت
جرّبت داون لود بأصعب وسايل = عيّا يْتحمّل غيرك وتالي أذعنت
لو سوّت الماوس بقلبي هوايل = سويت له ريفريش وبحبّك أعلنت
يا ويب ماستر خاطري بالقبايل = ما لي بسايت غيرك وْلا بعد نت
نذرت لك كيبورد عمري وشايل = لك في فلوبي القلب صوره ولا خنت
وسويت لك إنتر ولاني بقايل: = إندو ولو في مودم القلب طعّنت
دبل كليك اضغط على كل فايل = في القلب ما تلقى من الناس إلا أنت
شتوتة
البارحه وأنا أشتوت على النت = شتوت شتوته يا غير أبلشتني
عن رغبتي في شتوتة وحده أعلنت = وإلا مقاريد البشر حايشتني
أخترت لي منهم .. وقصدي تفننت = قلت أنت كلماتك كثير أدهشتني
(وسبرته) باسمي وعمري و(من أنت) = جاوب إجابه رايقه وأنعشتني
(لولي) (ثمنتعشر) (من القاهره) (بنت) = وفرحت أنا يوم إنها شتوتتني
كتبت: أنا معجب وأبي الرقم (أرجنت) = عيت ترد وكنها طنشتني
كررت (.Del) .. وفي براءه تمسكنت = تثيقَلَت ثم رْجَعَت ناوشتني
قالت: أبي منّك (بطاقه) إذا كنت .. = تبغى تكلمني وهي خَيّشتني
شوي كلمني ولد .. قال: لا هنت = (كن أربع سطولٍ من الما غشتني)
كتبت له أقديت يا ذيب وأحسنت = وإن شفتني مرّه على الشات شتني
قنوات فضائية
اقرأ على الماضي دفاتر ذنوبي = واقول في المستقبل أكيد خيره
يا نفس توبي وLBC صبر ثوبي = هذا البحر يا نفس وين الجزيره
وين المنار اللي ينور دروبي = هاتوا طريقٍ زين وأنا بَسِيْره
حب ستالايتي !
قلبي صحن دشّ وعيونك عربسات = والبث حيٍ مباشرٍ من شفاتك
سلكي ولا سلكي وعبر المسافات = يسري أثيرك في فضاي وْصفاتك
القلب مُخرِج والمشاعر مذيعات = والشوق مبعوثٍ مراسل لذاتك
إرسال متواصل على خَمْس فترات = ينقل وقايع ما يصير بحياتك
صورَتْك في فكري على سَبْع شاشات = وأفضل برامج سهرتي ذكرياتك
وإرسال حسّادك قطعته عن السات = بدّلت كيبلهم بكيبل غلاتك
وألغيت يا ثْريا الغلا الإشتراكات = ما عاد أشاهد غير ما بَثّ ساتك
لو شَوّشَتْ عالبث كل المحطات = يلْقط رسيفر خاطري ذبذباتك
جرّب على ريموت الإحساس ضغطات = تلقاه ما يختار إلاّ قناتك!
إمرأة من فاكهة !!
خدّك المشمش وفي صدرك كمثرى = والكرز ثغرك وقدّك غصن موز
لفحتك ليمون (يافا) قبل يشْرى = والجدايل كستنا وأنفاس لوز
آه والتفاح مع طلّتك يطرى = وابتسام التين لشفاهك يجوز
كنّ للزيتون في بشرتْك مجرى = مشتله (سينا) وزرّاعه دروز
العسل في ناظرك له عين عذرا = والحكي له طعم أبو فروه وجوز
والتمر له دِجْله بحكيك وبصرى = رقّتك تحذف عنه شدّة تموز
بسأل أصناف الفواكه وأنتي أدرى = لو دخلتوا مسابقه منهو يفوز ؟!
الخلطة السريّة للقصيدة الشعبية
المقادير
كوب دمع
كوب شمع
ملعقة جرح وثلاثه جْرام لوعه
نصف كيلو حزْن
مبلول بْدموعه
فاكهة تنهيد (طازه) نصف حبّه
بودرة غربه .. مع قِشْر المحبّه
رشّة بهار الخيانه ..
تعطي نكهه مستحبّه
طريقة التحضير
خَلّ فرن الشِعْر هادي
إوزن مؤشر حنينك عالثلاثه
قطّع أفكارك شرايح
وين رايح ؟!
حطّ زبدة حكمه وفلفل حداثه
قلّب الخلطه دقيقه
واسلق أفكارك كذا على السليقه
واخبص الباقي وحطّه
حطّ ملح .. وحطّ شطّه
لا تعاني
وش عليك إذا احترق قِدْر المعاني
طزّ عادي .. في حريقه
ما انت وحدك ..
واجد يسوّونها من هالخليقه !
مجلات شعبية
الحب يشبه جمع لولو من أصداف = يعني جواهر بس ما نشتريها
يعني نشوف المختلف ما به خلاف = نلغي الفواصل لين ما نحس فيها
ما هو بروز ولا تعالي ولا اسفاف = مثل القطوف الدانية نجتنيها